Православная энциклопедия
Шрифт:
О двоице священная, братие прекраснии, доблии страстотерпцы Борисе и Глебе, от юности Христу верою, чистотою и любовию послужившии, и кровъми своими, яко багряницею украсившиися и ныне со Христом царствующии, не забудите и нас сущих на земли, но, яко теплии заступницы, вашим сильным ходатайством пред Христом Богом, сохраните юных во святей вере и чистоте неврежденными от всякаго прилога неверия и нечистоты, оградите всех нас от всякия скорби, озлоблений и напрасныя смерти, укротите всякую вражду и злобу, действом воздвизаемую от ближних и чуждых. Молим вас, христолюбивии страстотерпцы, испросите у Великодаровитаго Владыки всем нам оставление прегрешений наших, единомыслие и здравие, избавление от нашествия иноплеменных, междоусобныя брани, язвы и глада. Снабдевайте своим заступлением всех чтущих святую память вашу во веки веков. Аминь.
Тропарь, глас 2
Правдивая страстотерпцы и истинныя Евангелия Христова послушателя, целомудренный Романе с незлобивым Давидом, не сопротив стаста врагу сущу брату, убивающему телеса ваша, душам же коснутися не могущу: да плачется убо злый властолюбец, вы же радующеся с лики ангельскими, предстояще Святей Троице, молитеся о державе сродников ваших, Богоугодней быти, и сыновом Российским спастися.
Преподобный Иаков Железноборовский
Преподобный Иаков был дворянского происхождения, учеником преподобного Сергия Радонежского. В 1392 г., поселившись в 30 верстах от города Галича Костромской губернии, в глухом бору у железных рудников (почему и назван он Железноборовским), основал обитель при помощи великого князя московского Василия Дмитриевича, в благодарность за молитву об исцелении его супруги. В монастыре святой Иаков устроил строгое общежитие: иноки ничего не считали своей личной собственностью и средства для обители добывали земледелием. Дважды преподобный ходил пешком в Москву, чувствуя изнеможение в ногах. Скончался святой Иаков в глубокой старости в 1442 г. Как при жизни, так и по смерти он прославился чудотворениями. Ему молятся при болезни ног и параличах. Мощи его покоятся под спудом в его обители.
Преподобие и богоносне отче наш Иакове! Приими ныне нас, тебе усердно молящихся и припадающих ко всечестному и многоцелебному твоему гробу, идеже святое твое и многотрудное покоится тело. Духом же на небесех предстоя Святей Троицы со ангелы и преподобных отцев лики, молися о нас, чадех твоих, отче, да избавимся от всяких скорбей, болезней, бед и обстояний, и благочестно поживем в настоящем житии, ходяще в заповедех и оправданиих Господних безпорочно, и да явимся последователи святому и равноангельскому житию твоему. Ей, преподобие отче, молим тя, испроси нам же и всем, с верою к тебе притекающим, грехов прощение, телесем здравие, исправление жития и вечное спасение, яко да твоим предстательством спасении, славу возсылати сподобимся в Троице славимому Богу, Отцу и Сыну и Святому Духу, ныне и присно и во веки веков. Аминь.
О преподобие и богомудре отче наш Иакове! Вемы, яко с лики ангельскими и всеми святыми предстоиши присно престолу Господа Вседержителя и велие имаши к Нему дерзновение молитися о всех, с верою и умиленными слезами в помощь тя призывающих. Не премолчи убо, вопия за ны недостойныя ко Господу Богу, да отвратит гнев Свой, праведно за беззакония наша на ны движимый, и да избавимся всяких скорбей, бед же и напастей, и злых обстояний, и благочестно поживем в нынешнем веце, ходяще в заповедех и оправданиих Господних непорочно. О преблаженне и боголюбезне отче наш Иакове! Умоли Господа, да не оскудеют в обители твоей истиннии ревнители иноческаго жития и подражатели святому и богоугодному житию твоему: сохрани предстательством твоим к Богу обитель и страну сию от огня, глада, меча, нашествия иноплеменных и от всякаго зла, и всем с верою и любовию притекающим в твою обитель испроси у Господа Бога грехов прощение, телесем здравие, исправление греховнаго жития и вечное спасение: да с тобою и всеми святыми сподобимся прославляти в Троице славимаго Бога, Отца и Сына и Святаго Духа, во веки веков. Аминь.
Тропарь, глас 4
Небеснаго желая, земная возненавидев еси и, взем крест твой, последовал еси Христу, и от Него прием дарования чудес, исцеляти недужныя: но яко имея дерзновение ко Святей Троице, испроси благоверному народу нашему здравие и спасение, на враги же победу, и не забуди, посещая чад своих, припадающих к целебному гробу твоему, Иакове преподобие, отче наш!
Святые бессребреники и чудотворцы Косма и Дамиан
Они происходили из Азии и были родными братьями. Своим воспитанием они обязаны матери Феодотии. Овдовев, она посвятила себя детям и научила их быть истинными христианами. Став взрослыми, Косма и Дамиан изучили врачебное искусство, чтобы приносить как можно больше пользы ближним. За это благое желание Господь даровал им такую силу, что все, кого лечили святые, будь то люди или животные, непременно выздоравливали. Они не брали никакого вознаграждения за врачевание, потому и были названы бессребрениками. После смерти они были погребены в Феремане. Часть мощей этих святых имеется на Афоне.
К вам, святии безсребренницы и чудотворцы Космо и Дамиане, яко к скорым помощником и теплым молитвенником о спасении нашем, мы, недостойнии, преклоньше колена, прибегаем и, припадающе, усердно вопием: не презрите моления нас грешных, немощных, во многая беззакония впадших и по вся дни и часы согрешающих. Умолите Господа, да пробавит нам, недостойным рабом Своим, великия и богатыя Своя милости; избавите нас от всякия скорби и болезни, вы бо прияли есте от Господа и Спаса нашего Иисуса Христа неоскудную благодать исцелений, ради твердыя веры, безмездного врачевания и мученическия кончины вашея. Услышите нас, молящихся, и благоприятным ходатайством вашим испросите у Христа Бога православным правителям России здравие, благоденствие, спасение, на враги же победу и одоление и благословение Божие. Паки припадающе прилежно молим, испросите нам от Господа вся благополезная яже в животе нашем временнем, наипаче же ко спасению вечному служащая, да сподобимся молитвами вашими улучити кончину христианскую, безболезненну, непостыдну, мирну, и да избавимся от козней диавольских и вечныя муки; безконечнаго же и блаженнаго Царствия Небесного наследницы будем. Ей, угодницы Божии, не престайте молящеся за ны, с верою к вам притекающия, аще бо по множеству грехов наших и несмы достойни милосердия вашего, обаче вы вернии подражателие человеколюбия Божия суще, сотворите, да принесем плоды достойны покаяния и в вечный покой достигнем, хваляще и благословяще дивнаго во святых Своих Господа и Бога и Спаса нашего Иисуса Христа и Пречистую Матерь Его, и ваше теплое заступление всегда, ныне и присно и во веки веков. Аминь.
Чудотворцы славнии, врачеве безмезднии, Космо и Дамиане! Вы от юности Христа Бога возлюбивше и Того повеления всем сердцем соблюдающи, аще и вдасте себе учению врачебному, но добродетельнаго ради жития и чистоты душевныя, силою Христа Бога, не врачевания токмо искусство, но паче неоскудную благодать исцеления всяких недугов от Бога прияли есте. Отонюдуже любовию и милосердием к недугующим подвизаеми, не токмо людем, но и скотом исцеления болезней подаваете, неисчетным множеством чудес ваших весь мир наполняете, и не телесныя токмо недуги исцеляете, но и верою Христовою души просвещаете, в терпении болезней укрепляете, в тяжких недузех о исправлении жития вразумляете и ко Христу покаянием привлекаете. Темже ныне и нас, припадающих к вам пред честною иконою вашею, скоро услышите, юныя дети, вашей помощи во учении книжном просящия, вашими молитвами наставите, да вашему житию ревнующе, не земное точию научение приобрящут, но паче во благочестии и правой вере выну да преуспеют. На одре болезни лежащим, человеческая помощи отчаянным, к вам же тепле с верою и усердною молитвою прибегающим, исцеление болезней вашим милостивым, чудодейственным посещением даруйте. Многажды в болезни впадающия и от лютых недугов в уныние, малодушие и роптание пришедшия, данною вам от Бога благодатию в терпении утвердите, и наставите, да уразумеют волю о них Божию святую и благую и сами себе и живот свой воли Христа Бога предадут. В недузех сущих, о исправлении же жития не радящих, во гресех не раскаивающихся, сердцем ожесточенных сокрушите во спасение и к покаянию призовите, да немощни суще телом, здрави пребудут душею, и причастницы соделаются Божия спасителъныя благодати. Братию Святаго Храма сего, вашему Святому заступлению от Бога врученную, и всех к вам усердно прибегающих невредимы сохраните от долгонедужия, от болезней лютых и неисцелъных, от разслабления тела, от иступления ума, от смертоносным язвы, от внезапным смерти, и всемощным ходатайством вашим к Богу соблюдите в правой вере твердых, во благочестии преспевающих, в добрых делах усердных, в молитве к Богу прилежных, да с вами вкупе сподобятся в будущем веце присно воспевати и славити всесвятое и великолепое имя Отца и Сына и Святаго духа, во веки веков. Аминь.
Святитель Василий Новгородский
Василий, в миру Григорий, сначала был священником в Новгородской Космо-Дамианской церкви. Он ревностно заботился о благочестии и благосостоянии своей паствы. Мирил новгородцев, которые были склонны к междоусобицам и мятежу, помогал им своими средствами в бедственных случаях, возникающих в результате пожаров и наводнений. В 1352 г. при Пскове началась моровая язва, от которой осталась в живых едва треть жителей. Василий, невзирая на опасность, отправился туда, чтобы утешить и подкрепить жителей. Он совершил крестный путь, и вскоре эпидемия прекратилась. Но сам он скончался в пути, будучи заражен язвой. Тело его перевезено в Новгород и погребено в Софийском соборе.
О пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Василие, предстоя у Престола всех Царя и наслаждаяся света единосущныя Троицы и херувимски со ангелы возглашая песнь трисвятую, великое же и неизследованное дерзновение имея ко всемилостивому Владыце, моли спастися паствы Христовы людем, благостояние святых церквей утверди: архиереи благолепием святительства украси, монашествующыя к подвигом добраго течения укрепи, царствующий град и вся грады и страны добре сохрани, и веру святую непорочну соблюсти умоли, мир весь предстателъством твоим умири, от глада и пагубы избави ны, и от нападения иноплеменных сохрани, старыя утеши, юныя настави, безумныя умудри, вдовицы помилуй, сироты заступи, младенцы возрасти, пленных возврати, немощствующыя и молящимся тебе от всех напастей и бед ходатайством твоим свободи: моли о нас Всещедраго и Человеколюбивого Христа Бога нашего, да и в день Страшного Пришествия Его от шуияго стояния избавит нас, и радости святых причастники сотворит со всеми святыми во веки веков. Аминь.
Тропарь святителю, глас 4
Правило веры и образ кротости, воздержания учителя, яви тя стаду твоему, яже вещей истина; сего ради стяжал еси смирением высокая, нищетою богатая, отче священноначалъниче Василие, моли Христа Бога спастися душам нашим.
Кондак святителю, глас 2
Божественный гром, труба духовная, веры насадителю и отсекателю ересей, Троицы угодниче, великий святителю Василие, со Ангелы предстоя присно, моли непрестанно о всех нас.
Величание святителю
Величаем тя, святителю отче Василие, и чтим святую память твою: ты бо молиши за нас Христа Бога нашего.
Преподобный Иринарх
Преподобный Иринарх был сыном крестьянина и занимался торговлей. В возрасте 30 лет он постригся в иноки в Ростовском Борисоглебском монастыре. Он, не как все монахи, начал ходить босиком и в рубище. Чтобы заставить его ходить, как ходят все монахи, настоятель приказал запирать его в холодной келье на несколько дней и посылать звонить на колокольню в большие морозы. Иринарх все трудности переносил с терпением и благодарил Бога, три года подвизался он в уединении. Отсюда возвратился в обитель с веригами на плечах и оковами на ногах, приковал себя к стулу железной цепью, к веригам приделал более 100 крестов и в таком вмде начал подвизаться. Спал только два часа в сутки, остальное же время проводил в молитве и рукоделии. Деньги, вырученные за работу, раздавал бедным. Бог удостоил святого дара прозорливости. Он предсказал нашествие поляков в 1609 г. Святой Иринарх благословил князя Пожарского на борьбу с поляками и дал ему свой крест. Он подвизался 38 лет и скончался 68 лет от роду, в 1616 г. Погребен в монастыре, в выкопанной им самим могиле, у которой многие больные получают исцеление.
О великий угодниче Христов, добропроизвольный страдальче, новопросиявый чудесы, отче наш Иринарше, Российстей земли удобрение, граду Ростову похвало, обители сей велие украшение и утверждение! Кто не удивится твоему самопроизвольному и долголетнему страдальческому терпению: Тридесять бо лет в тесней и хладней хижине себе заключил еси, хлад, алчбу и изнурение плоти Царствия ради Небеснаго понеся еси, к сему же и изгнание из обители, по наваждению вражию, безропотно претерпел еси. Ремы же, яко посреди умолен быв от братии, яко незлобивый агнец, паки в обитель твою возвратился еси и в туюжде хижину вселился еси, яко адамант твердый, на невидимая бесовская полчища и видимыя враги твоя терпением себе вооружив. Егда же попущением Божиим наидоша на обитель сию польстии ратницы, сих не убоялся еси смертнаго прещения, но уцеломудрився словом, во своя си возвратитися сотворил еси. Сего ради Всеблагий Бог, видя твою веру и страдальческое долготерпение, дар прозорливства и исцеления тебе дарова: бесным бо исцеление, хромым доброхождение, слепым прозрение подавал еси, и иная многая с верою к тебе приходящим во благо даже доднесь чудодействуеши. Мы же недостойнии, таковая чудеса видяще и радости исполняющеся, взываем к тебе сице: радуйся, доблественный страдальче и бесов победителю, радуйся скорый наш помощниче и теплый к Богу молитвенниче. Услыши убо и нас грешных, молящихся тебе и прибегающих под кров твой: яви милостивное предстательство твое о нас ко Всевышнему и исходатайствуй твоими богоприятными молитвами вся полезная ко спасению душ и телес наших, сохрани святую обитель сию, всякий град и весь и всякую страну христианскую от всех наветов вражиих, в скорбех же и болезнех наших подавай нам руку помощи, да твоим ходатайством и заступлением, благодатию оке и милосердием Христа Бога нашего, избавимся и мы недостойнии, по отшествии от жития сего, шуияго стояния, и да сподобимся деснаго со всеми святыми во веки веков. Аминь.
Преподобный Маруф, епископ Месопотамский
Преподобный Маруф был епископом в городе Мартирополе в Месопотамии, на границе Греческой и Персидской империй, и отличался ученостью и благочестием. Он присутствовал на Втором Вселенском соборе против Македония, который унижал Духа Святого, называя Его не Богом, а творением Божиим. Писал о мучениках, пострадавших за веру Христову от персидского царя Сапора, и останки многих из них перенес в Мартирополь. Император Феодосий Младший не раз посылал его к царю персидскому Издегеру для заключения мира между империями. Маруф исцелил самого Издегера с сыном от тяжелой болезни, от которой не могли исцелить их персидские волхвы. После этого Издегер особенно начал уважать Маруфа. Маруф же достиг того, что Издегер дозволил свободно проповедовать веру Христову в Персии. Скончался святой Маруф около 422 г. Мощи его перенесены в Египет и положены в скитском монастыре Богоматери.
О священная главо, преподобие отче, преблаженне авво Маруфе, не забуди убогих твоих до конца, но поминай нас всегда во святых и благоприятных молитвах к Богу: помяни стадо твое, еже сам упасл еси, и не забуди посещати чад твоих моли за ны, отче священный, за дети твоя духовныя, яко имеяй дерзновение к Небесному Царю: не премолчи за ны ко Господу, и не презри нас, верою и любовию чтущих тя: поминай нас недостойных у Престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва: аще бо телом и преставился еси от нас, но и по смерти жив сый пребывавши, не отступай от нас духом, сохраняя нас от стрел вражиих и всякия прелести бесовския и козней диаволъских, пастырю наш добрый аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у престола Вседержителева предстоящи, достойно веселится, ведуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу: Емуже подобает всякая слава, честь и поклонение, со Безначальным Его Отцем, и с Пресвятым и Благим и Животворящим Его Духом, ныне и присно, и во веки веков. Аминь.
Тропарь преподобному, глас 8
В тебе, отче, известно спасеся еже по образу: приим бо крест, последовал еси Христу, и дея учил еси презирати убо плоть, преходит бо, прилежати же о души, вещи безсмертней: тем же и со Ангелы срадуется, преподобие Маруфе, дух твой.
Кондак преподобному, глас 2
Чистотою душевною Божественно вооружився, и непристанныя молитвы яко копие вручив крепко, пробел еси бесовская ополчения Маруфе, моли непрестанно о всех нас.
Величание преподобному
Ублажаем тя, преподобие отче Маруфе, и чтем святую память твою, наставниче монахов и собеседниче Ангелов.